Үндсэн хуулийн Цэцийн дарга Д.Одбаяр өнөөдөр Солонгост "шалгуулна"

Үндсэн хуулийн Цэцийн дарга Д.Одбаяр өнгөрсөн аравдугаар сарын 31-ий өдөр "Korean Air" компанийн нисэх онгоцоор Сөүл хотыг зорих үедээ онгоцны үйлчлэгч болох 20 настай эмэгтэйн биед зөвшөөрөлгүй хүрч, бэлгийн дарамт үзүүлсэн гэх асуудал өнөөдрийг хүртэл дуулиан дагуулсаар байгаа. Солонгосын томоохон телевиз, мэдээллийн сайтууд, өдөр тутмын сонинууд энэ хэргийн талаар мэдээлсээр байгаа юм.  

Солонгосын http://news.jtbc.joins.com/ гэдэг мэдээллийн сайт түүнийг өнөөдөр Индонезоос тус улсад буцаж ирэх талаар мэдээлжээ.  Тус мэдэллийг товчлон хүргэхэд, бэлгийн дарамтад өртсөн гэх үйлчлэг бүсгүй болсон явдлыг хөлөг онгоцны багийн ахлахдаа эхэлж хэлсэн аж. Харин ахлах хөлгийн ахмадад, ахмад компанийнхаа төв рүү мэдэгджээ. Улмаар онгоц газардахад Солонгосын цагдаа нар угтаж аван, баривчлах ажиллагаа явуулжээ. 

Нөхцөл байдал хүндрэх шинжтэй болоход Цэцийн дарга Д.Одбаяр Солонгос дахь Элчин сайдын яаманд хандаж, яамныхан нь түүнийг дипломат халдашгүй эрхтэй хэмээн хэлж, суллуулсан юм байна.  Түүнийхээ дараа Солонгосын цагдаа нар  Гадаад хэргийн яамнаасаа энэ талаар тодруулжээ. Харин Гадаад хэргийн яамныхан нь "Олон улсын Венийн конвенци"-ийн дагуу тухайн оронд сууж байгаа бол дипломат халдашгүй эрх үйлчилдэг, дамжин өнгөрч байгаа хүнд хамаарахгүй.  Монголдоо ямар ч өндөр албан тушаалтай бай хамаагүй" хэмээж.  Тиймээс Солонгосын цагдаа нар түүнийг шалгахаар болтол Цэцийн дарга Д.Одбаяр "Индонези улс руу олон улсын хуралд оролцохоор явна. Хуралдаа явчихаад ирнэ, эргээд уулзъя" хэмээн амалж, бүр Элчин сайдын яамныхнаар албан ёсны батлан даалт гаргуулсан байна.  

Асуудал үүсэхтэй зэрэгцээд Үндсэн хуулийн Цэцээс мэдэгдэл гаргаж, Д.Одбаяр дарга ямар ч асуудал тариагүй. Харин хойд талын суудалд нь сууж явсан монгол хүнийг өмөөрсөн гэх утгатай мэдэгдэл гаргасан.  Энэ мэдэгдлийг Солонгосын тал уншсан байна. Улмаар тодорхой бичлэг байгаа гэдгийг ч мэдэгдсэн аж. Бүр тодорхой хэлбэл, "Korean Air" компанийнхан бичлэгийг цагдаагийн байгууллагад өгсөн байна. Д.Одбаяр дарга өнөөдөр Индонезээс Солонгост буюу Инчеоны нисэх буудалд газардаж, 8-ны өдөр Монгол руу буцахаар захиалга өгсөн гэнэ.  Тэрбээр хэлсэндээ хүрч, өнөөдөр Солонгост очвол шалгуулах нь тодорхой юм байна. 

Хэрвээ Цэцийн дарга Д.Одбаяр хэлсэн амандаа хүрэхгүй, нислэгийн хуваариа өөрчилж, Солонгосоор биш өөр орноор дамжин Монгол руу бичвэл хэргийг шууд прокурорт шилжүүлэх аж. Хэрэгтэн Солонгост очихгүй зугтвал  байцаалт авах, хэрэг мөрдөх боломжгүй гээд хэрэг яваандаа хаагдах магадгүй юм байна. Гэхдээ Цэцийн дарга Д.Одбаяр ахин Инчоны нисэх буудалд хөл тавих л юм бол баригдана. Мөн "Korean Air" -ээр хаашаа ч нисэх боломжгүй болж, "Хар жагсаалт"-д орно гэх утгатай мэдээллийг тус сайт нийтэлжээ.  http://news.jtbc.joins.com/article/article.aspx?news_id=NB11906050&fbclid=IwAR3a5YfLphlJEepE8AMOp_7mkFttiXkjez2W79nR-TIz0-d4UmeHJuyGPzw энэхүү линкээр мэдээллийг Солонгос хэлээр үзэх боломжтой.